Пастэрка-2020 і аблучыны міністрантаў
- Падрабязнасці
- Апублікавана 25.12.2020 15:51
25 снежня апоўначы вернікі Глыбоцкай парафіі сабраліся на Імшу Пастэрку, якая штогод распачынаецца працэсіяй, калі святар праходзіць праз святыню з фігуркай Дзіцяткі Езус, якую пакладзе ў яслі. Але перад пачаткам урачыстай Літургіі як штогод пробашч парафіі кс. Мікалай Ціхановіч, як бацька вялікай парафіяльнай сям'і, папрасіў прабачэнне ва ўсіх прысутных парафіян, а таксама прабачыў сам усім.
Святочную Літургію канцэлебраваў пробашч кс. Мікалай разам з вікарыямі кс. Яўгенам Шымановічам і кс. Уладзіславам Шарковічам.
Казанне кс. Мікалая Ціхановіча з ілюстрацыямі, якія трансляваліся ў касцеле на экране для лепшага ўспрымання. Запрашаем яшчэ раз паслухаць і паразважаць:
Для тых хто не змог прысутнічаць у касцёле на Пастэрцы, можна праглядзець відэазапіс:
Таксама падчас гэтай святочнай Імшы адзін кандыдат урачыста быў прыняты ў шэрагі міністрантаў і яшчэ тры – сталі лектарамі. Данііл Радзішэўскі, Мікіта Сайкоўскі, Віктар Прыходзька і Глеб Шаршнёў рознымі спосабамі рыхтаваліся да гэтага дня, а таксама здавалі экзамен і хваляваліся. Падрыхтоўкай будучых міністрантаў і лектараў займаўся кс. Яўген Шымановіч.
Фотаздымкі па спасылцы>>