Памёр кс. Уладзіслаў Мрувка

  • Друкаваць
Падрабязнасці
Апублікавана 26.02.2020 13:29

ks MrowkaКурыя дыяцэзіі ў Тарнаве (Польшча) паведаміла, што 24 лютага 2020 года памёр кс. Уладзіслаў Мрувка, святар гэтай жа дыяцэзіі.

Кс. Уладзіслаў нарадзіўся 24 мая 1944 года ў Альшане ў сям’і Яна і Разаліі з дому Гэймей. Вучыўся ў духоўнай семінарыі ў Тарнаве і 30 мая 1971 года прыняў пасвячэнні прэзбітэрату. Працаваў у розных парафіях дыяцэзіі, а ад 1996 года да 1998 года быў выкладчыкам у духоўнай семінарыі ў Жытомірскай дыяцэзіі ва Украіне.

Кс. Уладзіслаў Мрувка з 2008 па 2012 год працаваў у Віцебскай дыяцэзіі. Быў катэхетычным візітатарам і выконваў абавязкі вікарыя ў парафіях Святой Тройцы ў Глыбокім (2010-2012 гг.), Св. Антонія Падуанскага ў Паставах і Унебаўзяцця Найсвяцейшай Панны Марыі ў Мёрах.

Пахаванне кс. Уладзіслава адбудзецца 27 лютага ў мясцовасці Чарны Паток ў Польшчы. Давяраем асобу кс. Уладзіслава Божай Міласэрнасці.

Вечны адпачынак дай яму, Пане…

Курыя Віцебскай дыяцэзіі