“Мы Твае дзеці, Пане”. У Глыбоцкая парафіі адбылася Імша за выпускнікоў

• 

Падрабязнасці

Апублікавана 25.05.2025 20:26

Стала ўжо добрай традыцый, што напрыканцы навучальнага года выпускнікі ўсіх трох школ нашай парафіі збіраюцца на ўрачыстую cвятую Імшу, каб падзякаваць Пану Богу за адзінаццаць год навучання і папрасіць блаславення на далейшы жыццёвы шлях. Сёлета такая Імша адбылася 24 мая.

Падчас гаміліі пробашч парафіі ксёндз канонік Мікалай Ціхановіч звярнуўся да выпускнікоў: “Вы стаіце сёння на парозе новага этапу жыцця і нават не ўяўляеце сабе, якія выпрабаванні і хваляванні чакаюць наперадзе. Сённяшні свет здаецца вельмі хуткім, але гэта толькі ілюзія. Рэальнасць жыцця павольная, таму не рабіце хуткіх выбараў, не прымайце хуткіх рашэнняў, прыслухоўвайцеся да свайго сумлення і памятайце: кожны з вас унікальны, адзіны і непаўторны ў Божых вачах.”

Перад бласлаўленнем выпускнікоў да сваіх дзяцей звярнуліся бацькі і нагадалі, што заўсёды будуць побач, заўсёды будуць чакаць, падтрымліваць і ахінаць малітоўнай апекай.

Вікторыя Філіпенка, тэкст