Фінал біблійнага конкурсу ў Віцебску

  • Друкаваць
Падрабязнасці
Апублікавана 12.04.2026 11:24

bible konkurs 1011 красавіка ў катэдральным касцёле Езуса Міласэрнага ў Віцебску адбыўся фінал Конкурсу на веданне Святога Пісання, прысвечаны прыпавесцям Езуса. Спаборніцтва традыцыйна пачалося са святой Імшы, якую ўзначаліў біскуп Алег Буткевіч.

Іерарх падкрэсліў, што ўдзельнікам «дадзена ведаць таямніцы Божага Валадарства», і пажадаў будаваць жыццё на гэтых таямніцах. Пасля Імшы кс. кан. Віктар Місевіч прадставіў журы, у якое ўвайшлі с. Наталля Танковіч MSF, с. Марыя Ганчаронак, с. Лілія Казіміровіч OP, с. Юлія Клевец FMA і а. Раман Шульц OP.

У фінале спаборнічаў 61 удзельнік з розных куткоў Беларусі: Віцебска, Глыбокага, Докшыцаў, Полацка, Наваполацка, Шуміліна, Мёраў, Варапаева, Браслава, Барысава, Бабруйска, Мінска, Смаргоні, Заслаўя, Магілёва, Баранавіч, Гродна. Конкурс праводзіўся ў трох узроставых катэгорыях.

Пераможцамі сталі:

  • 1 катэгорыя (да 11 год): 1 м. – Ксенія Лобач (Смаргонь), 2 м. – Макар Халдзей (Варапаева), 3 м. – Іван Гацкі (Смаргонь).
  • 2 катэгорыя (да 17 год): 1 м. – Данііл Кароль (Браслаў), 2 м. – Вераніка Войтка (Смаргонь), 3 м. – Андрэй Медзвядзькоў (Докшыцы).
  • 3 катэгорыя (ад 18 год): 1 м. – Ганна Броўка (Смаргонь), 2 м. – Сяргей Пятроўскі (Віцебск), 3 м. – Інэсса Сулім (Шуміліна).

Што да ўдзельнікаў з Глыбокага — Марыны і Антона Згірскіх, якія паспяхова прайшлі парафіяльны (14 сакавіка, 20 чалавек) і дэканальны (21 сакавіка, 14 чалавек) этапы, — у фінальным спісе пераможцаў яны не значыліся. Тым не менш, сам выхад у фінал з’яўляецца значным дасягненнем.

bible konkurs 13

Арганізатары выказалі падзяку дабрачынцам, арганізатару а. Міхаілу Ткалічу, спадарыні Алене Татун, журы, катэхетам, бацькам і валанцёрам за падрыхтоўку і правядзенне конкурсу.