Парафіяльныя аб'явы

  • Друкаваць
Падрабязнасці
Апублікавана 26.01.2014 18:04

28 ЗВЫЧАЙНАЯ НЯДЗЕЛЯ
(13 кастрычніка 2024)
25-я гадавіна заснавання Віцебскай дыяцэзіі

1. На гэтым тыдні:
– аўторак (15.10) – успамін св. Тэрэзы ад Езуса, панны і доктара Касцёла;
– чацвер (17.10) – успамін св. Ігнацыя з Антыёхіі, біскупа і мучаніка;
– пятніца (18.10) – свята св. Лукі, евангеліста;
________________________________________
2. Святыя Імшы на гэтым тыдні:
Пн - Суб – 09.00, 18.00;
Нядзеля – 09.30, 11.00, 13.00, 18.00;
________________________________________
3. Заахвочваем да штодённай ружанцовай малітвы. У касцёле набажэнствы адбываюцца ў буднія дні раніцай перад Імшой (8.30) і вечарам пасля Імшы (18.30), у нядзелю ў 9.00.
4. Напрыканцы касцёла ляжаць лісткі для выпамінак. Просьба пісаць друкаванымі літарамі і выразна (як у дакументах, у назоўным склоне – Яніна, Іван, Марыя і г.д.), а не скарочана (як называлі ў вёсках). На адваротным баку трэба напісаць словы “вёска” альбо “горад”, маецца на ўвазе не дзе пахаваныя памерлыя, а для зручнай сартыроўкі і чытання выпамінак. З надпісам “вёска” будуць чытацца раніцай, “горад” – вечарам. Просім таксама наводзіць парадкі на могілках.
5. У сераду запрашаем сем’і на сустрэчу.
6. Св. Імша ў інтэнцыях, пакінутых на Вячыстай адарацыі, будзе адпраўлена ў чацвер (17 кастрычніка) у 18.00 у кляштары сясцёр праз заступніцтва св. Зыгмунта Шчэнснага Фелінскага.
7. У мінулую нядзелю на рамонт касцёла ў Лужках сабралі 8595 руб і 5€. Божа адудзяч за вашу шчырасць і адкрытасць.
8. Пры нашай парафіі ў аўторак (15 кастрычніка) распачынаецца Альфа курс, які будзе праводзіць працуючая моладзь, а не святар ці сястра. Гэта ўнікальная магчымасць абмеркаваць духоўныя тэмы ў пазакасцельнай абстаноўцы, пагутарыць з цікавымі людзьмі і сваімі аднагодкамі, і прыняць рашэнне аб тым, якое месца хрысціянства будзе займаць у тваім жыцці. Колькасць месц абмежавана, таму ўзрост удзельнікаў ад 20 да 45 гадоў. Далучыцца можна да 29 кастрычніка. Сустрэчы будуць праходзіць кожны аўторак да канца года ў 19.00 у парафіяльным доме.
9. Ёсць новыя нумары часопісаў “Дыялог” і “Ave Maria”.
10. На прыбіранне святыні ў суботу пасля ранішняй св. Імшы запрашаем наступныя сем’і: Бекіш, Капуста, Скрага, Яфімавы, Жолуд, Мігуновы, Мартуль, Васілеўскія, Муляронак, Ціхан, Вярцінскія (парафіяне з вул. Драздовіча, Чкалава, Заслонава+зав).
11. Не спыняем збор фінансавых сродкаў на далейшы рамонт нашай святыні. Грошы збіраюцца ў касцёле і з дапамогай сістэмы «Разлік» (АРІП) альбо QR-кода. Падрабязная інфармацыя на дошках аб’яў і на лістоўках на століку з часопісамі. Дзякуем за складзеныя ахвяры!
12. Няхай Добры Бог шчодра ўзнагародзіць усім, хто прыбіраў святыню, парафіяльны дом, а таксама складаў ахвяры, прыносіў кветкі. На ўвесь тыдзень працы і абавязкаў няхай Бог вас блаславіць.

Жадаем Божай ласкі!