Цудадзейны абраз Маці Божай Падхорнай у Глыбокім
- Падрабязнасці
- Апублікавана 17.07.2014 15:29
Надыйшоў час распавесці пра найвялікшую святыню Глыбоцкай зямлі – цудадзейны абраз Маці Божай Шкаплернай, а больш знанай як Падхорнай. Гэта абраз прывезлі ў мястэчка Глыбокае манахі кармеліты, якія тут мелі свой кляштар. Спецыяльна для гэтага новага абраза ў сярэдзіне XVIII ст. была зробленая капліца. Так як унутраная тэрыторыя усяго кляштарнага касцёла была занятая, таму гэтую новую капліцу размясцілі пад хорам, адкуль і ўзялася прастанародная назва “Маці Божая Падхорная”, бо абраз знаходзіўся ў капліцы пад хорам.
Благаслаўлёныя святары з Беразвечча
- Падрабязнасці
- Апублікавана 12.06.2013 11:03
Ксёндз Мечыслаў Багаткевіч, нарадзіўся ў 1904 г. Падчас акупацыі быў пробашчам у Дрысе. Славуты сваімі палымянымі гаміліямі і міласэрнасцю да бедных. Быў арыштаваны гестапа за душпастырскае служэнне і праз два месяцы, 4 сакавіка 1942 г., расстраляны ў Беразвеччы каля Глыбокага разам з двума Слугамі Божымі: кс. Уладзіславам Мацьковякам і кс. Станіславам Пыртакам. Перад экзекуцыяй у лісце да маці і родных напісаў: «Не плачце па мне, а радуйцеся, што ваш нашчадак і брат здаў экзамен. Прашу вас толькі аб малітве. Усім маім ворагам прабачаю з усяго сэрца, хацеў бы ўсім ім выслужыць неба».
Каштоўная знаходка
- Падрабязнасці
- Апублікавана 24.03.2013 21:24
11 чэрвеня 2012 года ў 15 гадзін 20 хвілін падчас працы па ўсталяванні апор электраперадач брыгадай Верхнядзвінскага ўчастка Белсельэлектрасетбуда БМУ 2 ля касцёла Святой Тройцы ў Глыбокім быў адкапаны касцёльны звон 1882 года.
Гурт "Радасць" аўтарскiя песнi
- Падрабязнасці
- Апублікавана 06.02.2013 13:24
Тэксты спеваў з альбома "Крылы сэрцам дай"
Змест
Культавая архітэктура Глыбоччыны
- Падрабязнасці
- Апублікавана 05.02.2013 17:45
Гісторыя г. Глыбокае ў перыяд Х—XVІ стст. раней амаль не была вядома. Першыя пісьмовыя звесткі аб Глыбокім датуюцца 1514 г. Укажам на тое, што ў канцы XIV ст. у даравальнай грамаце полацкага князя Андрэя Альгердавіча сяло Семянцова геаграфічна прывязваецца да Беразвечы, а не да Глыбокага, якое знаходзіцца побач (Полоцкие грамоты, 1977). У Полацкай рэвізіі, датаванай 1552 годам, з назвай Глыбокае звязваецца аднайменнае сяло, у якім некалькі сем’яў належалі да манастыра Св. Спаса ў Полацку (Полоцкая ревизия, 1905). Не зусім зразумела, што ўяўляла Глыбокае паводле пазнейшых звестак, калі ў крыніцах было адзначана, што рускія войскі ў 1564 годзе “паваявалі” – і Глыбокае з’явілася (Полное собрание,1965). З пісьмовых крыніц не вынікае значэння Глыбокага як мікрарэгіянальнага цэнтра, не даецца яго агульных памераў. Разам з тым, пры рэканструкцыі межаў Полацкага павета М.М. Аглобліным, на аснове Пісцовых кніг 2-й паловы XVI ст., вылучаецца Глыбоцкая воласць. Гэта можа ўказваць на важнае значэнне і істотныя памеры Глыбокага як населенага пункта не толькі ў гэты час, але і раней. Да 2005 г. Глыбокае не мела археалагічнага вывучэння. Гэта звязана, у першую чаргу, з тым, што вывучалася ваколіца Глыбокага, асабліва курганныя могільнікі. Асобныя даследаванні датычыліся архітэктурных помнікаў Глыбокага.
