Гурт "Радасць"
- Падрабязнасці
- Апублікавана 01.02.2013 12:54
Гурт “Pадасць” быў створаны ў рымска-каталіцкай парафіі Святой Тройцы ў Глыбокім. Апостал Павел у лісце да Pымлянаў кажа, што Валадарства Божае – гэта “супакой і радасць у Духу Святым” (Рым 14,17). Таму мы прагнем дзяліцца сваёй радасцю з кожным чалавекам. У 2008 г. выйшаў наш дэбютны альбом “Крылы сэрцам дай”. Нам вельмі хочацца, каб ён стаў яшчэ адной цаглінкай у пабудове Валадарства Божага на зямлі.
На дыску прадстаўлены толькі нашы аўтарскія песні. Але мы з радасцю спяваем і песні іншых аўтараў. Часта сябры гурта іграюць і спяваюць на Св. Імшы для моладзі. Мы ездзім на розныя конкурсы, такія, як “Зорка Бэтлеема” у Міёрах ці “Птушкай будзь” у Браславе. Мы вельмі шчаслівыя, што ўжо неаднойчы займалі прызавыя месцы на гэтых конкурсах.
Тое, аб чым спяваем, стараемся рэалізаваць у сваім жыцці. Так, напрыклад, у 2008 г. наведалі прыют у в. Фарынава і падарылі дзеткам DVD-прайгравальнік. Радуе тое, што ў гурт прыходзяць новыя таленты. А гэта значыць, што гурт “Радасць” яшчэ не раз парадуе глыбоцкіх парафіянаў сваімі поспехамі. На гэта мы спадзяёмся, гэтага чакаем і просім ў Добрага Бога.
Над дыскам “Крылы сэрцам дай” працавалі:
- Юля Малец - спеў
- Марыя Садоўская - акустычная перкусія, спеў
- Марыя Марціноўская - гітара, спеў
- Святлана Трапук - гітара, клавішы, спеў
- Кс. Віктар Місевіч - гітара, спеў
Нам дапамагаў струнны квартэт “Скрыпкі анёлаў”:
- Кацярына Баркоўская - 1-ая скрыпка
- Яна Дзерангоўская - 2-ая скрыпка
- Анастасія Салаўёва - альт
- Анастасія Стараннік - віяланчэль
- Дзмітрый Гарэлаў - інструментоўка, нотная апрацоўка, дырыгаванне
