Сустрэча Новага года ў касцёле
- Падрабязнасці
- Апублікавана 03.01.2014 20:01
Вернікі сабраліся апоўначы на святочную Імшу.
Традыцыя сустракаць Новы год у касцёле існуе ў Глыбокім ужо даўно. З кожным годам усё больш вернікаў аддае перавагу сустрэчы Новага года ў храме, а не за сталом.
У сваім слове да вернікаў ксёндз Вячаслаў Пялінак пажадаў вернікам надзеі і аптымізму ў Новым годзе. “Бог можа ўсё, але і ад нас саміх шмат што залежыць. Калі мы змяняемся да лепшага, то і навакольны свет мяняецца. А чалавек, які не верыць у перамены да лепшага свайго бліжняга, і сам ніколі не зменіцца”, – сказаў святар.
Зміцер Лупач, westki.info