У навагоднюю ноч маліліся за памерлых

Падрабязнасці

Апублікавана 01.01.2015 21:24

За паўтары гадзіны да Новага 2015 году ў глыбоцкай святыні было шматлюдна. Многія вернікі не засталіся дома за сталом, але прыйшлі на Святую Імшу, падчас якой маліліся за ўсіх памерлых у 2014 годзе парафіян.

На пачатку Эўхарыстыі кс. Мечыслаў зачытваў імёны і прозвішчы памерлых, а міністранты разам з роднымі памерлых запальвалі свечкі і ставілі на зроблены "алтар".

Падчас казання, кс. Вячаслаў нагадаў падзякаваць за чарговы пражыты год жыцця, які не кожны з нас змог перажыць.