ДА МАЦІ БОЖАЙ БУДСЛАЎСКАЙ

Падрабязнасці

Апублікавана 26.06.2013 12:02

1. Зорка нябесная, Маці Будслаўская,
Ты асвяці наш прыдзвінскі край!
Грэшных заступніца, Маці Ласкавая,
Нас ад нягод і ад зла захавай.

Мы дзеці Твае, Твае пілігрымы,
Прымі нашы слёзы і спеў.
Хай даляціць да Нябеснай Айчыны
Шчырай малітвы напеў.

2. Ты асушы, Маці, слёзы сірочыя,
Сваёю любоўю ўсе сем’і ўмацуй,
Аздараві хворых моцай гаючаю,
Душаў памкненні да Неба скіруй.

Мы дзеці Твае, Твае пілігрымы,
Прымі нашы слёзы і спеў.
Хай даляціць да Нябеснай Айчыны 
Шчырай малітвы напеў.

3. Зорачка Ясная, Маці Будслаўская,
Пачуй жа голас з прыдзвінскай зямлі,
Знішчы бязвер’е, сумненні, спакусы,
Сваёй міласэрнасцю нас атулі.

Мы дзеці Твае, Твае пілігрымы,
Прымі нашы слёзы і спеў.
Хай даляціць да Нябеснай Айчыны 
Шчырай малітвы напеў.

4. Ты навучы нашы сэрцы аддана
Божага Сына заўсёды любіць.
Просім, маліся за нас, Беззаганная,
Каб нам з Табою ў вечнасці быць.

Мы дзеці Твае, Твае пілігрымы,
Прымі нашы слёзы і спеў.
Хай даляціць да Нябеснай Айчыны 
Шчырай малітвы напеў.

Алена ПАЖОГА, тэкст
Ганна ШАКОЛА, музыка